小鬼永遠缺席聚會 楊丞琳許瑋甯深夜發文悼念

2020年09月17日 12:36
東網電視
更多新聞短片
願安息。
36歲台灣藝人黃鴻升(小鬼)尋日驚爆死訊,被發現猝逝於台北北投家中,作為初戀女友兼好友嘅楊丞琳崩潰嚎哭,情緒失控工作一度暫停。小鬼與楊丞琳、許瑋甯畢業於同一高中華岡藝校,原本今日佢哋相約出席同學聚會,但依家小鬼只能永遠缺席,「五人幫」變成「四人幫」。
楊丞琳凌晨5點於社交網貼出黑底白字:「晚點要起床了,此刻還睡不着,但是不睡,我就夢不到你了。」又貼出「五人幫」合照,並留言:「永遠為你留一個位置,好在我們幾個高中同學互相陪伴,不然要怎麼熬?」字裏行間感受到佢對小鬼嘅思念,令人難過。而許瑋甯亦上載「五人幫」多年嘅聚會相,回憶與小鬼二十多年嘅友情。
而情同兄弟嘅台灣男星林柏昇(Kid)今日喺社交網發文,指小鬼早前叫佢幫忙整《我不是空笑夢》嘅MV,Kid同對方講:「等你睡醒!我們來討論!」結果已經等唔到呢一日。而Kid亦盡心盡力剪輯好小鬼拍攝節目嘅短片,最後更寫上:「我們的愛只是換了個形式依然在彼此身邊,願在不同世界努力的你與正在努力的我們,有一天,我們會喚醒彼此,再一次的相聚。」表達對好友嘅不捨。另外,楊丞琳都有轉發這段短片,指Kid應該邊笑邊喊的完成這條片。
另外,小鬼女友峮峮(吳函峮)尋晚公開同小鬼係情侶關係後,雖然獲大批網友送上祝福,但竟然有網友留言:「你炮友死翹翹了!」引發網友代峮峮反擊,指該名網友喪盡天良。
此外,小鬼網店社交網亦發文表達對佢不捨,並指近期會無限期休店:「由於目前會有很多事情要處理,店面暫時會#近期無限期店休,網路會照常運作,商品會盡快送到各位手中。」而其爸爸被拍得現身台北民權東路嘅龍巖會館,憔悴為小鬼打點身後事,有傳預計明日將會開放供人弔唁。