自爆肥10公斤！黎諾懿疫下喪食　慘被老婆嫌棄

藝人黎諾懿到將軍澳電視城出席下周播出的新劇《C9特工》宣傳，自爆肥了10公斤：「由上年開始食，因為仔又大個，可以食我哋嗰啲嘢，所以我會食晒佢同老婆食淨嘅嘢，同埋拍《疫境廚神》我專煮埋啲邪惡嘢食，煮前又要試食，所以真係要減番。」又自爆遭老婆嫌棄：「佢睇韓劇啲男主角好fit，見到我個肚腩之後，就叫我還番8舊嘢（腹肌）畀佢。」

他笑言剛結婚時有8舊腹肌，婚紗相都有除衫騷肌，故現時真的要keep番，務求今年內可以除衫騷肌：「仲有3個月，應該得嘅。」他透露現時已開始減肥：「減咗1個月，戒油戒鹽。（有冇成效？）老婆話冇效囉，哈哈，不過其實我本身仲有2、3舊（腹肌），只係唔fit啫。」又笑言此劇有動作場口：「嗰陣仲有6舊腹肌，已係尾聲期，同埋都會除衫騷肌。」