【胸口位鬆鬆哋】湯怡拍片教人操馬甲線疑似露點

藝人湯怡近日憑劇集《反黑路人甲》人氣急升，佢不時喺社交平台邀請劇中演員整蛋糕傾吓偈，估唔到有網友翻炒今年二月，佢教人做運動嘅短片，指佢疑似露點！

身穿白色Sport Bra嘅佢，教大家用五個簡單動作練馬甲線，點知喺做Sit Up動作時，見胸口位置鬆鬆哋，爆出露點疑雲，有唔少網友指其實睇嚟似係陰影。

對於被指露點，湯怡接受東網訪問說：「大家睇番條片，好肯定冇露到任何嘢，可能Sport Bra好緊，喺角度上或者摺位上望落去會有啲似，但我好肯定冇。」而其經理人霍汶希（Mani）指短片只係做運動嘅陰影位，力證湯怡冇露點。