自認保守唔影裸照　謝嘉怡唔拍拖寧願搵銀

應屆港姐冠軍謝嘉怡當選不足1個月，工作機會接二連三送上門，被指較去屆冠軍黃嘉雯星途暢順。她今日偕同亞軍陳楨怡、季軍郭柏妍等參與節目《娛樂大家》錄影時受訪，開心表示拍廣告「好好玩」，但謙稱：「可能以前（港姐）有好多慈善活動，今年疫情影響咗，希望遲啲繼續有機會啦。」

問到是否計劃儲錢置業？謝嘉怡說：「香港啲樓真係好貴，不過依家我諗住搵樓搬，我工作見好多人，唔想有乜事影響到嫲嫲屋企，況且媽咪又就嚟香港，我搵定樓大家住。（心目中budget同地區呢？）暫時未諗咁多。」

至於早前涉嫌有裸照被放上網，她一再強調相中人不是自己：「個樣都唔同，同埋佢有粒墨，相好似喺船影嘅，我冇佢咁好身材。（被懷疑唔開心？）冇，唔係我人哋點做都得。」她指自己思想保守，即使拍拖亦不會影這類照片。問到她是否心急想拍拖，搵個香港男友？她即落閘：「想做嘢多啲，咁後生。（你唔係想學好廣東話咩？）佢可以教我？考慮吓先！」記者指她較參選時清減，她開心謂：「我覺得自己肥咗添，不過做多咗運動。」