鍾嘉欣激罕晒水着　事業線超長腿乜都齊！

最近忙於拍攝無綫新劇《兒科醫生》嘅藝人鍾嘉欣，日前忙裏偷閒，去到酒店Staycation（宅度假），並晒相至社交網同大家分享。當中見佢着上睡衣，喺房內大歎下午茶，非常寫意。之後佢更去到泳池游水，激罕以水着Look示人，見佢以一身鮮紅色Deep V一件頭泳衣上陣，先坐喺池中大晒事業線，然後再企高展現超長美腿，非常吸睛！