林秀怡豪試「收陰機」：資料顯示係得

藝人林秀怡低胸裝現身其有份投資6位數的美容院開幕禮，好友孫慧雪（雪雪）、張頴康、李綺雯、何佩珉等出席，秀怡男友到場，嘉賓起哄嗌「結婚」。秀怡認為女人要靚必須努力付出，自爆有試「收陰機」，她說：「部機本身係用嚟去肚紋，可以做埋收陰，但我感覺唔到，要人哋先Feel到，資料顯示係得。」雪雪在旁即刻話要試，雪雪：「要求你幫我收陰，我哋厠所都一齊去。」秀怡卻拒絕「唔係我幫你收。」

秀怡稱美容院生意籌備一年，她說原本7月尾開幕，但疫情關係、裝修問題，延遲了兩個月，業主又冇減租，又要出糧給員工。她說：「好多難關，嚇到尿都瀨。」但無阻她追夢，經營餐廳和美容院外，希望下一步開珍珠奶茶店。

提到與無綫合約仍有兩三年，工作等公司安排。雪雪透露將會開網店，並送護膚品給秀怡試，雪雪：「原本叫佢拍片推介，點知佢淨係喺佢自己社交網Repost我條片，好Hea，不過我知佢開店好忙。」