收7位數做代言人 陳嘉桓大晒堅挺人字波

20200924
東網電視
更多新聞短片
大晒好好Body!
藝人陳嘉桓(Rose)為溶脂中心擔任代言人,激罕真空上陣拍攝廣告,大騷吸睛D Cup堅挺「人」字波,更露出長腿兼美背,大派冰淇淋!她興奮指代言酬勞近7位數字,亦可趁機享受代言福利搣甩肚腩、副乳及雙下巴,同時又保住驕人上圍,放心繼續行性感路線。問到男友可批准性感打扮?她大反應反問:「邊有男朋友?一路都係一個人,朋友就大把。(緋聞男友黃宗澤呢?)朋友,冇乜聯絡,疫情期間留喺屋企都少見朋友,積極減肥都謝絕飯局,朋友約食大閘蟹都冇食。」因黃宗澤經營蠔吧,故記者打趣叫Rose改食生蠔,她即耍手擰頭話唔好︰「減肥唔好食咁多生冷嘢,對皮膚又唔好,我食車厘茄都要整熟先食。(唔熟唔食?)食物食熟嘅好啲!」