3吋事線好搶眼!謝嘉怡人紅多Job被孤立?

2020年09月26日 23:33
東網電視
更多新聞短片
雖然三位都係Deep V款式,不過Celina嘅3吋事業線最搶眼。
應屆港姐三甲謝嘉怡(Lisa)、陳楨怡(Celina)和郭柏妍現身《星光熠熠耀保良》,其中Lisa與Celina均以低胸晚裝上陣,但以Celina的三吋事業線更為癢眼,講到打扮性感時,Celina一臉尷尬:「有少少唔慣,參選後第一次着得咁性感,套衫係公司安排。(如果公司要你再着得低啲咁點?)唔可以再低喇,已經係底線。」
至於Lisa當選不久已被不少廣告商睇中,有指她因工作多多而被其他港姐孤立,早前拍到一班港姐買飲料時,她孤零零站在一邊,Lisa稱跟其他港姐感情很好,她解釋:「因為當日做完嘢收到好多WhatsApp未睇,我企喺一邊回覆,冇諗過畀人影到,而且我已經叫咗嘢飲,輪到佢哋叫,大家好好朋友,係張相有啲誇張。(你哋一齊慶生,影相時你靠邊站?)我手臂肥,所以要要遮掩。」
Celina亦幫口說前兩天她們還到其家中食飯,又不時相約行街,Lisa續說:「本來我約咗Celina陪我買傢俬,因我兩個星期內要搬屋。」至於是否接了很多廣告,她稱拍了樓盤廣告,其他不清楚,問到會否覺得自己很幸運?她說:「今年同去年唔同,因為去年好多海外交流。」
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc