32歲藝人裕美自與林作拍拖後，積極發展個人事業大搞網店，成立6個月來業績不錯。林作在社交網指女友一炮過畀幾十萬首期做業主。他上載相片到社交網，見裕美正在簽文件，並大讚女友：「今日係你嘅旅（里）程碑。再次恭喜。願你成為香港美少女嘅榜樣，唔好去咩選美、唔使在意人哋咩眼光，埋頭苦幹做好自己、養活自己，活出自己。」

同時，他又扯到母親曾對裕美的「偏見」：「兩日前見到我媽媽對住傳媒講出令我不堪至極的侮辱佢嘅說話後，此女子今朝一鼓作氣，8點起身，衝咗去證明自己嘅實力——買樓。無論學歷、家庭背景、職業有幾尊貴都好亦是膚淺，為人嘅本質，我敢問一句：媽媽，其實你接觸過佢未？僅僅睇出面人話佢係咩就係咩，咁真係枉我咁辛苦喺牛津讀哲學學習批判性思維。」

----------------------------------------

「繽FUN星網」誠招各類有趣短片！

家有可愛貓狗，想同更多嘅人分享？

有橋有料，素人想一片成名？

立即寄片嚟： bunfun@on.cc