難忘喪夫之痛　劉志榮太太梁淑莊胰臟癌病逝

已故亞視藝人劉志榮的太太梁淑莊，因患有胰臟癌，今晨病逝，享年75歲。其獨子劉健樂正處理媽媽身後事，而與梁淑莊情同姊妹的藝人黎燕珊亦於其社交平台發文：「收到莊姐（梁淑莊）兒子健樂電話，受他所託，懷着很沉痛的心情向外公告，莊姐於今早凌晨二時因胰臟癌在浸會醫院病逝。聽到這個噩耗實在很難過，心情久久未能平復，實在未能接受，原來莊姐妳有病都沒有跟我們說半句，就讓自己一個人低調面對，這大半年掛心疫症有否影響妳心情，致電給妳會否出來見見面，都未有收到你的回覆，誰不知卻接到健樂的消息。願莊姐在天堂和志榮哥更快樂，莊姐快樂一路好走。」

其後黎燕珊接受東網訪問坦言很驚訝：「我一直都唔知佢病，係尋晚好夜，凌晨一、兩點先收到健樂短訊通知佢媽媽已經喺最後一刻，今日再通電話，佢已經話媽媽走咗，話會應佢媽媽要求低調處理後事！（病因？）我都唔知，但莊姐一直都放唔低喪夫之痛，呢幾年我帶佢返教會，為佢祈禱都冇改善，佢都好唔開心，今次算係一解脫！」