味覺之挑戰！ 「盲拆」至潮日本零食包

疫情令港人冇得去至愛的日本旅行，「思鄉病」發作固然要諗辦法，最佳的解決方法就要將日本貨寄到屋企，今次我們就預訂了至潮零食包開箱，再蒙眼試食邊款零食最好味呢，去片！

從日本空運到港的「Oh！yattsU！」零食包，名字中取其諧音OYATSU（おやつ），在日文中代表享用小吃的時間，相當有意思。粉紅色外觀包裝的零食包似十足禮物袋，而內裏有13~15款隨機的便利店零食，有可能是薯片、朱古力、糖果等，甚至是便利店新品、限定品，以及日本國外沒有的零食，有着拆禮物的感覺，打開肯定夠晒驚喜！

零食包更附有京都食器店Subikiawa的紙製Hi Tea碟，需要人手組裝，食零食都有昇華和高級的感覺。事實上食零食的口味個人，有人喜歡較甜的零食，亦會有人較偏好咸味的零食，整體來說這批日本零食，不僅外觀包裝吸引眼球，而且味道有着一定水準，最重要是打着「日本直送」的旗號，「日本控」固然會加分，相比平時在超級市場買到的本地零食，帶來全新的衝擊！

鳴謝：Felissimo