屋企曝光！湯怡帶你參觀浴室

藝人湯怡不時拍片教做運動，呢日佢喺屋企取景拍片，令家居環境曝光。片中見佢喺客廳做消脂運動，即使成個人打橫瞓低都綽綽有餘，空間感十足。之後，佢再帶大家殺入浴室，佢透露其實浴室嘅設計，係由自己親自構思，見整個環境以黑白灰色為主，相當簡約低調。

佢喺2018年成功「上車」，以800萬購入將軍澳一個兩房兩廳單位，以往喺屋企拍照時，亦曾無意中令廚房、閨房曝光，環境非常闊落。