張艾嘉終於有機會認識香港：真係好美麗！

藝人張艾嘉日前接受香港開電視主播馬梓軒專訪。講到疫情期間，張艾嘉一直留港，這段期間亦令她有另一番體會：「其實我喺香港住咗30幾年，但過去多數時間都拍緊戲，有時又要出埠，我根本冇真正長時間留喺香港生活過！而疫情呢段時間，留喺香港生活，我開始跑步，然後認識咗香港好多地方，好多係以前未去過，我發覺香港真係好美麗！」

談及兒子王令塵（Oscar），張艾嘉表示雖然經常與兒子分隔兩地，但彼此關係從未疏遠：「我哋關係不嬲都好親密，Oscar一直都好獨立，佢14歲開始已經唔係成日喺我身邊，佢又喺外地讀書同工作，所以算係一個幾獨立嘅男仔！我一直畀Oscar自由發展自己嘅興趣，但同時我都要佢有規矩，特別係禮貌同埋誠實，呢兩樣嘢會對佢要求多啲！」