撞車後復工!楊明自爆畀猖狂男同志喪摸

2020年10月08日 19:21
東網電視
更多新聞短片
楊明炒車後復工。
藝人楊明之前撞車後已復工個多星期,今日他與王君馨為無綫新劇《我家無難事》拍攝外景,劇中二人有感情線,楊明精神不俗,心情亦已平復,拍攝期間與工作人員有講有笑,他接受東網訪問時說:「交通意外發生後初期,係難平復啲,不過公司同監製Amy姐(王心慰)對我好好,好多謝佢哋,依家自己都埋首拍,心情亦整埋好。」
雖然劇中飾演設計師,但他之後都要拍滾落樓梯的戲份,說到之前撞車時他撞親尾龍骨及盆骨,楊明表示劇組為遷就他,安排遲些才拍攝,他指這些部位仍有點痛,不過他就找了一位出名的啪骨師傅,幫他啪骨矯正位置,他謂:「去咗兩次,佢Chok個條頸時,我成條尾龍骨都啪到有聲。(痛唔痛?)舒服多過痛,好多舊患同啲歪咗嘅位都正番晒,之後都要再去。」
於此劇中,楊明與黃嘉樂有疑似HeHe的場口,劇情講述二人是好兄弟,但行為令家人及君馨都誤會二人是「一對」,問到會否有HeHe咀戲時,他謂:「我未睇到(劇本)喎!暫時有啲一齊瞓喺床,剩係着孖煙囪通屋走嘅戲份,其實以前同啲同學去宿營都係咁樣。」問楊明現實生活中曾否有同性戀「埋身」時,他謂:「細個多啲,人老咗就冇,試過畀人輕薄,有啲惡意,有啲係善意嘅,我自己都認識好多同性戀朋友,佢哋好尊重我。(惡意嗰啲對你點?)見到你想食咗你咁樣,想嚟非禮你、周圍摸,我係呆咗㗎,啲眼神好想侵食你咁!」
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc