疫情危機!泳兒自爆愈宅愈瘦

20201008
東網電視
更多新聞短片
泳兒話好掛住開實體騷。
歌手泳兒舉行網上直播音樂會,師妹Elly(艾妮)擔任嘉賓,泳兒表示已有兩、三個月沒有公開唱歌,很開心疫情下可以開live show,笑言當紅館咁做:「會有quick change換衫,今次有分兩個主題,一個係暗黑主題,會唱啲陰沉嘅歌,之後就會唱啲慢情歌。」她又謂與Elly很有緣,在同一日分別推出新歌及新碟。提到現時有歌手開網上虛擬音樂會,泳兒表示都想開:「依家演唱會形式要大轉變,我唔介意參與,世界各地粉絲都可以睇到。」
泳兒坦言掛住之前實體演唱會,而本月15日就會參與疫情下首次有觀眾的演唱會,該「埋班作樂」演唱會會在麥花臣場館舉行,她謂:「不過人數就會少咗,好似減到一半,到時會有10個歌手。(擔心可能會取消?)當然唔想啦,但聽聞就算做唔到現場觀眾,都會照做live。」她又坦言疫情對自己很大打擊:「工作少咗好多,又唔可以出埠,但有危就有機,好似今日都做到水準好高嘅演出。(你個危係咩?)宅得太多,同埋愈嚟愈瘦,哈哈,不過我好奇怪,之前瘦到要改衫,但點知出騷當日又拉唔到拉鏈。」而艾妮就笑言自己反而肥了:「因為少咗做運動,但依家有得做番gym,所以有做。(想開個人音樂會?)好想有現場演出,但未安排到,不過嚟緊都會有網上個人演出。」
今次直播分開兩Part,身穿Deep V黑色、Bling Bling連身裙的泳兒,打頭陣獻唱其Hit歌《野木蘭》,第一首歌就已經使出海豚音,其後更一口氣連唱8首歌,大部份歌如新歌《溝渠暢泳》、首本名曲《花無雪》、林家謙的《一人之境》、麥浚龍的《弱水三千》等都狂玩真假音轉換,大騷功架!
去到Part 2,泳兒終於開金口同主持傾偈,她自言好少開Live Show,但覺得今次好有演唱會感覺,甚有Feel!然後便邀請師妹Elly出場,她先帶來《煙霧瀰漫》,待泳兒換裝後,就一同合唱《狼來了》及泳兒的《無心戀唱》,二人笑言當中有個美麗的誤會,因為琴手一度以為是獻唱《無心傷害》,泳兒即打趣話可以留待下次再唱,最後二人送上一段分手歌Medley,為Live Show畫上完美句號。
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc