【復合有望】離婚老公花錢買戶外廣告冧老婆Cardi B

美國饒舌天后Cardi B上月向法院申請與男歌手老公Offset離婚，結束3年婚姻。話口未完，明日28歲生日的她社交網貼片指老公為兩歲囡囡Kulture買戶外巨型廣告牌預祝Cardi生日快樂！

整個廣告牌粉紅色有母女拎住名牌手袋的合照並寫上：「生日快樂媽咪！摯愛Kulture敬上」片段中聽到Cardi好興奮大嗌：「我的天呀！」雖然她沒有提到邊個送咁大「厚禮」，只留言說：「多謝你先生???I love it。」

查實日前Offset被她的粉絲留言狂鬧愚蠢時，Cardi亦有爆粗反擊為老公辯護：「我唔X理你唔鍾意佢，我同佢冇偈傾但你唔可以唔尊重我女兒個老竇...」Cardi未生日已收離婚老公「厚禮」之外，日前亦收到成人用品公司Bellesa送上五層高的巨型生日蛋糕以及「震蛋」，令她與家人大為尷尬！