謝嘉怡打風晒三點式　陳曉華冇嘢做腿張開

熱帶風暴「浪卡」襲港，圈中一班港姐突然有一日假期，都好好留喺屋企休息。今屆港姐冠軍謝嘉怡，喺社交網上載三點式靚相，佢以英文留言懷念昔日好天氣曬太陽嘅日子，皆因佢話今日留喺屋企成日好悶：「好想去沙灘，今日我成日留喺屋企，上次留喺屋企全日嘅時間，已經係我隔離嘅日子，依家真係好想出去行吓，希望大家都留喺安全嘅地方。」

而趕拍新劇《異搜店》嘅前港姐陳曉華，則上載一張「腿張開」嘅照片，大呻唔知做咩好：「今天一定要過好，因為明天會更老，難得嘅假期做咩好？」

至於同屆落選港姐黃婉恩，就留喺屋企包雲吞，佢留言：「喺我細個嘅時候，我祖母成日包雲吞畀我。今日我決定創作自己嘅健康口味，但希望都可以保持到祖母味道。」

----------------------------------------

「繽FUN星網」誠招各類有趣短片！

家有可愛貓狗，想同更多嘅人分享？

有橋有料，素人想一片成名？

立即寄片嚟： bunfun@on.cc