鄧衍成追思會　米雪5月曾與對方聚舊

導演鄧衍成今午於牛頭角舉行追思會，其生前好友樂易玲、方平、米雪、羅樂林及姜大偉等紛紛現身悼念，而張智霖、袁詠儀，張衛健及劉愷威等則送上花牌。現場擺設了印有鄧洋名的導演櫈及其生前熱愛的紅酒，非常有心。

米雪則表示今年5月與劉松仁及鄧導聚舊，當時已知鄧導有病：「我廿幾歲就識佢。（有病時勸佢唔好咁搏？）佢份人好鍾意做嘢。」

方平受訪時緬懷與好友的點滴：「1989年我搵佢執導電影《龍在天涯》，我諗我嗰時都好大膽，當時睇佢細細粒，以為冇乜說服力，但佢交足貨仲一定幫你解決到難題，跟住就做咗好朋友。」提到與對方難忘事，方平指鄧導愛杯中物，且謂：「幾年前我監製內地劇集搵佢幫手，我哋一齊去睇景。當時已經知佢有病。」方平直言有勸對方戒煙及戒酒：「佢應該戒咗煙，酒就少飲咗，我成日同佢講唔好飲啤酒，佢又唔係好聽，不過一個人唔傷害人而做到自己鍾意嘅嘢，ok啦！」