【媽媽的辛酸】鍾嘉欣自爆有尿滲問題

2020年10月17日 19:08
東網電視
更多新聞短片
原來鍾嘉欣手袋放呢啲嘢!
已為兩個小朋友媽咪嘅女神鍾嘉欣,最近喺社交平台分享「What's in My Bag」影片,將手袋內嘅物品毫不保留,一一騷畀大家睇,連最私人嘅女性用品都騷埋。嘉欣袋仔細細,但收容量不能忽視,放咗廿件物品,各式各色咩都有。一向視家庭為第一位嘅嘉欣,當然會帶一家四口家庭照,又有貼紙,方便隨時可以氹兩個小朋友,之後仲維他命、銀離子水、西蘭花油、化妝用品、筆、紙巾、工作證,蠟燭同火機等等。
嘉欣又展現咗佢長情嘅一面,晒銀包嗰陣,佢話銀包都用咗十年,而隨身帶備嘅扇亦用咗五年,之後除咗有帶耳機外,佢仲有帶耳塞,佢話:「因為我個人比較內向,太多人同我講嘢,我會頭暈或呼吸困難,唔係想冇禮貌,有時想有個靜啲嘅地方。」之後嘉欣又搵到啲護墊,仲大爆自己產後嘅煩惱:「呢啲女性用品,因為我個小朋友都係順產,我有時會有小小尿滲,太肉緊或打乞嗤或跳得太高,就需要有小小護墊。」
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc