萬綺雯再扮藍鳳萍唱歌 網民驚嘆女神唔識老

20201017
東網電視
更多新聞短片
蚊蚊近年淡出幕前。
今年亞姐即將進行決賽,雖然歷屆亞姐質素都比較參差,不過當中亦都有唔少樣靚身材正嘅代表,就好似翁虹、萬綺雯、羅霖、楊恭如、陳煒等,而當中被封為「最美亞姐」嘅萬綺雯(蚊蚊),拍過唔少大受觀眾嘅劇集,被網民封為長腿女神。佢近年淡出幕前,好少喺香港演藝圈出現,但係佢都會喺社交網同網友報告近況,仲不時日常生活短片,同大家開心Share。佢喺今個月初已經踏入50歲,不過招牌童顏同埋煞食長腿依然喺度,就算素顏上陣,一樣可以保持到個靚樣,皮膚仲好唔錯添!
佢近日上載咗段Key嘴唱歌嘅短片,重現佢喺經典劇《我和春天有個約會》中演嘅藍鳳萍,翻唱周慧敏歌曲《最愛》嗰幕,留言:「聽過藍鳳萍的歌聲嗎?今天萬綺雯唱給你聽啊!」唔少網民都大感驚嘆,大讚佢嘅凍齡神功認真犀利,近鏡都完全睇唔到佢面出嘅歲月痕迹,好似完全唔識老,十足時光倒流24年一樣呀!
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc