港姐冠軍謝嘉怡做騷頻食螺絲 疑似爆粗!

2020年10月17日 22:35
東網電視
更多新聞短片
網民發現嘉怡疑似爆粗!
港姐冠軍謝嘉怡晚上出席慈善活動,有份負責開場部分的她突然「食螺絲」,作呼籲時未能一氣呵成,網民更發現她發脾氣,衝口而出講:「FXXK!」隨即成為熱話,更直指她EQ低!
事後她偕同陳楨怡和郭柏妍齊齊受訪,對於被指是「粗口港姐」,她無奈澄清:「其實嗰段口號好長,本來我都背得好熟,點知臨場好緊張,我係想講『服務更加多有需要嘅人!』講完個服字我就講唔到落去,所以嗰個唔係英文粗口,而係一個中文字,平時我都好斯文,好少會講呢啲嘢!」她又表示下次會做得更加好,記者着她找廣東話老師惡補一下,她即謂:「想,但需要少少時間。」
另外,談到自己砌新居傢俬,謝嘉怡表示大部分手作已經完成,本星期已入住,又透露:「源斐然個妹專登喺蘇格蘭飛返嚟陪我住兩個月先,再等我父母嚟香港陪我,佢真係好錫我呢個表姐。」至於今晚她穿「氣球晚裝」行catwalk,她直言感覺好玩兼新鮮:「都有擔心啲氣球會爛,所以着晒打底褲及衫,不過負責人話啲氣球係坐唔爛嘅。」
至於陳楨怡早前拍攝一個水上節目,結果被指眼細跌watt「現真身」,美貌全憑化妝技術。她說:「嗰日係對住個太陽拍攝,曬到睜唔開眼睛,加上我戴咗隱形眼鏡,但又入咗海水,好辛苦,咁我本身真係單眼皮嘅。」
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc