疫境零收入!李克勤被迫掉低家人返內地開工

2020年10月17日 22:39
東網電視
更多新聞短片
疫境難捱!
歌手李克勤今晚為《愛心滿載仁愛堂》演出。受訪時,他表示從報道上得悉陳柏宇「坐食山崩」,疫情以來多月沒有工作花掉老本過百萬,克勤直言感同身受:「由1月開始到依家嘞,留喺香港真係冇收入,嚟緊都要返內地工作。以前我係即日來回,最多都只係留周末、周日,今次淨係兩地隔離都要28日,如果做一個月嘢,即係起碼唔見我兩個月。(屋企人有冇意見?)大仔問我可唔可以唔去,我就問佢,咁你食乜?同埋係咪唔開生日會吖?太太都唔想我走咁耐,但冇辦法。」
問到克勤有否同樣花掉過百萬老本,他說:「我兩個小朋友喎,依家仲多咗咗隻狗,不過呢啲嘢冇得比,相信好多業內人都好慘。5、6月左右紅館有打嚟講過幾時有期演出,可以畀出嚟,但點敢接?(你估幾時先可以喺香港開騷?)冇得估,所以依家咪喺無綫唱住先囉。」他聞得張敬軒及楊千嬅,有意於年底左右演出,克勤直言若成事的話一定支持,望香港娛樂事業盡快復甦。
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc