蘇麗珊最快速度煮三餸一湯 黃又南食得唔好嘥

2020年10月18日 09:31
東網電視
更多新聞短片
黃又南孖蘇麗珊、顧定軒合作。
藝人黃又南、蘇麗珊和顧定軒接受飲食界名人陳嘉華訪問宣傳新戲,三人笑言在疫情下,廚藝進步不少,尤其又南積極鑽研新菜色:「真係多咗下廚,有一次我用香蕉炒蛋,有人話好食,味道似班㦸咁,我乜都會試,有時唔好食都照食,唔想浪費。依家會自己煮飯,知道一個人食要落幾多分量嘅米去煮飯。」
蘇麗珊就表示研究以最快速度,煮完三餸一湯:「因為平時煮好耐,煮飯都係一個學問,所以好珍惜媽咪煮嘅飯。」顧定軒自嘲是懶人心得,鍾情即食麵:「個麵其中一邊會深色啲,我會將深色嗰面朝下,放入滾水去煮,煮出嚟就會均勻啲。」
雖然疫情令幕前曝光機會大減,不過三人一直都有密密拍戲,亦不時將日常生活片段放上社交網,黃又南喜歡跟粉絲分享音樂,蘇麗珊就喜歡拉筋:「依家環境下大家都有壓力,好需要紓壓同照顧好自己身體,我會同大家分享吓點拉筋。」顧定軒認為寵物最治愈,所以不時上載家中貓咪的萌照。