同金剛要Long D!小嫻勁怕醜:沒分開超過5小時

2020年10月18日 13:34
東網電視
更多新聞短片
打風都打唔甩~
藝人金剛與台灣女友小嫻愈愛愈高調,尋日小嫻認愛後首度現身公開活動,人逢喜事精神爽嘅佢接受訪問時,怕醜咁講:「交往到現在沒分開超過5小時!」佢又話喺街上都接收到好多人祝福:「飯店很喜歡送我們小點心,買登山用品會送防水袋,連外送員看到我們也會說加油,就覺得很幸福。」
之前到墾丁打工換宿嘅佢,打算繼續留喺當地做民宿小管家。而金剛會到其他地方工作,所以兩人將面對「Long D」(長距離戀愛),佢覺得信任好重要,「相信他也相信自己」。至於被問到會唔會閃婚,小嫻笑言理性居多,畢竟經歷過離婚,覺得相處比較重要!
而另邊廂,金剛就上載一幅砌圖,留言:「我好喜歡好喜歡,有人用了8小時一次幫我拼好,好感動😭😭😭,辛苦了❤️❤️❤️😘😘😘」而小嫻就回覆:「謝謝你讓我有拼圖拼👍🏾👍🏾」連隋棠都嗌:「好好哦~」而舊愛梁云菲就剪去長髮,重新出發!
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc