莊思敏搵風水愛巢 預算冇上限

2020年10月18日 21:05
東網電視
更多新聞短片
莊思敏心郁郁想入市。
藝人莊思敏(Jacquelin)今年3月下嫁台灣商人楊秉逸,一直心思思想與老公在港築愛巢,享受二人世界,近期見樓市回落,她即四出睇樓搵筍盤。
今午4時許,她現身跑馬地新樓盤EIGHT KWAI FONG HAPPY VALLEY,門口早有職員等候,二人談了一會即入內參觀示範單位。樓盤以800萬起跳,最貴逾千7萬,Jacquelin主攻一房一廳單位,見她不時向職員提問,似乎甚感興趣,其後有發展商高層出現與她握手及合照,然後她在4名職員陪伴下參觀空中花園,逗留不久便離開。
與老公暫「分居」
記者致電Jacquelin,她承認有置業計劃:「我諗過同老公搬出去住,問過風水師傅,師傅話跑馬地風水唔錯,最重要係夠開揚!見到呢個盤都開揚,加上我鍾意港島區,所以今日經過就上去望吓。(幾多錢預算?)冇定價錢,真係要睇啱。(諗住買?)單位好實用,地點靜中帶旺,環境唔錯,不過自住嘅話,冇車位就麻煩少少,可能用嚟投資比較適合我。」她強調不急於買樓,因老公未知何時再來港,而她亦忙於開工,未能去台灣與老公團聚。
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc