蘇慧恩同狗狗拍住上:都幾難控制!

2020年10月18日 22:30
東網電視
更多新聞短片
同動埋合作,真係唔簡單呀!
歌手蘇慧恩(Ophelia)日前為家品電器商拍攝廣告,跟萌狗拍住上,身為愛小動物之人的她即時被溶化,但殊不知原來Ophelia小時候是非常怕狗,她自爆曾被狗咬傷流血︰「細個嗰陣表哥喺隻狗面前抱起我轉嚟轉去,刺激到隻狗咬咗我隻腳一啖,之後我就好驚狗,即使喺條街離遠見到都會好驚,要兜路行,直到我去澳洲讀書,住宿家庭嗰度養咗一隻松鼠狗,相處咗一段時間就開始唔驚。」
不過,Ophelia笑話同狗狗合作比想像中困難︰「佢好黐主人,成日跟住主人行,同埋又只係聽主人嘅指令,所以都幾難控制,有一個鏡頭係我一開門,就要狗狗跑過嚟迎接我,但因為佢太黐住主人不斷跑返去主人度,NG咗好多次,最後惟有出動食物去引誘佢先順利完成到拍攝。」
最近重回獨立歌手之路、推出新歌《我最想》的Ophelia,透露正籌備另一首新歌,談及價值觀與人性的真偽︰「身邊嘅朋友都覺得我比較適合製作一啲關於人生哲理嘅歌,新歌係有份參與填詞,希望大家聽完可以重拾真我,做番自己。」之後會考慮再簽唱片公司?她坦言暫時想以獨立歌手身份做住先,如果之後有其他公司向她招手,可能都會考慮再簽公司。
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc