好性日本妹 出書搞樂園

2020年10月18日 23:30
東網電視
更多新聞短片
原來AV女優有咁多搵錢窿路,真係好厲害呀!(互聯網)
AV女優之所以為份工瞓晒身,無非係為名為利,但其實以呢個咁特別嘅身份搵銀,仲有好多計仔呢!
好似曾經以37J爆乳兼精通潮吹絕技而紅極一時嘅澀谷果步,自從離開咗AV業界,即轉戰Cosplay界,最近仲躋身作家行列,喺上個月推出一本名為《每位女孩都要知道的AV世界》嘅著作。呢位29歲嘅前AV女優表示,2018年5月宣布引退之前,就有出版社編輯邀請佢出書,原意係寫畀男人睇,講解一下AV產業,後來變咗寫畀女人睇,尤其係有興趣投身AV行業嘅姊妹,當中會講解AV事務所正規嘅招聘手段、女優工資點計同點收取、如何應對職場同生活上嘅性騷擾等等,內容真係相當深入㗎!
侍奉粉絲
對於AV粉絲嚟講,有機會近距離一睹女優嘅真面目,甚至一齊飲吓酒、傾吓偈,多多錢都願畀,難怪日本AV名廠SOD特別喺新宿歌舞伎町開設男士專屬嘅樂園「SOD LAND」,實行搵番一筆。樂園以AV女優為生招牌,樓高四層加地牢,各有賣點:地牢係「初新入社員店」,即係由新進女優招呼客人嘅酒精立飲店;一樓係精品店,專賣SOD產品同酒精飲品;二樓係風俗研究所,主打同AV女優面對面飲酒同傾偈;三樓係「Syain Bar」,女優以一對多嘅方式陪客人飲酒、食嘢同傾偈;而四樓係「Silent Bar」,靈感源自魔鏡號,客人可以睇住單向鏡後嘅比堅尼女優飲酒。照咁睇,呢個樂園真係幾有Gimmick,相信會成為一眾男士嘅打卡熱點。
炮友調查
講真,唔少男士都渴望身邊有個炮友,咁女人又想唔想呢?日本官能小說家大泉里香為此搞咗個網上調查,有345名日本女性參與,結果顯示,28.1%嘅受訪者好想要,38.3%覺得冇所謂,如果將呢兩條數加埋,就會發現超過6成嘅受訪女士接受到炮友嘅存在,係咪估唔到呢!大部分女性承認,想要有炮友,純粹為咗曳曳,亦有人話想專注享受性愛,毋須理會對方嘅屋企人同工作問題,簡單又爽快,最重要係可以毫無顧忌咁玩盡各種性愛遊戲,咁先夠爽。