【香港估估吓】邊兩位后妃嚟自《宮心計》？

權力同名利會令人腐化，甚至變成惡魔？難怪身處權力核心——宮廷嘅人總係鬥過你死我活，甚至連養尊處優嘅后妃都唔例外，而呢一點亦被影視製作人借題發揮，衍生多齣宮鬥劇。好似2009年10月19日喺大台首播嘅《宮心計》，就係其中一齣經典作品，故事以唐代為背景，首集出街嘅平均收視達34點（約214萬觀眾），大結局最後一分鐘嘅收視更高達50點呢！考考大家，以上6位后妃，邊位係嚟自《宮心計》呢？

答案係佘詩曼（左下）同楊怡（右下）。前者飾演品性純良嘅劉三好，鍾情鄭嘉穎飾演嘅棋博士高顯揚，但又被陳豪飾演嘅唐宣宗李怡封為德妃；至於後者飾演姚金鈴，原本同三好係好姐妹，但因為利欲熏心而黑化，奸到出汁，令人睇到咬牙切齒！值得一提，為咗增強氣勢，楊怡經常响劇中瞪大對眼兇人，加上陰笑、毒舌乜都出齊，難怪令佢獲得「我最喜愛的電視女角色」。