同湯洛雯結婚有共識 馬國明孖鄭嘉穎傾BB經

20201019
東網電視
更多新聞短片
馬國明同湯洛雯結婚生仔有共識。
視帝馬國明攞獎後,工作、愛情一帆風順,對將來繼續「佛系」未有要求太多。與湯洛雯愛得甜蜜的他透露結婚、生仔有共識:「自己都鍾意小朋友嘅。」更笑言與鄭嘉穎、羅仲謙、鍾嘉欣拍劇時,也能搭嘴傾BB經。
馬國明近期忙拍《兒科醫生》,與一班已為人父母的演員,包括鄭嘉穎、羅仲謙、鍾嘉欣合作,他笑謂早前才完成《BB大晒》加上家姐有小朋友,平時開工也能夠搭得上嘴傾BB經。問到與湯洛雯感情穩定,可希望盡早結婚生仔?他說:「未咁快諗,但係大家都有共識朝住呢個方向,小朋友就隨緣,自己都鍾意小朋友,冇亦唔會失望。」他又指因為家姐已經有小朋友,媽媽恨抱孫的壓力大減。
去年奪「視帝」後,馬國明愛情、工作一帆風順,對未來則繼續抱「佛系」態度,他說:「疫情下好多地方裁員,有工開已經好幸福,唔能夠要求太多,自己亦冇咩所求,只係希望開開心心,家人身體健康。」他又指與女友想法接近,不會期望很有錢,不用憂柴憂米已覺得很幸福。
自爆加親密戲
提到他在無綫劇集《C9特工》中繼續演「貼地」角色,扮演賣菜佬入形入格,他說:「自己鍾意做貼地、草根嘅角色,開工舒服,衫、頭、妝都唔使執得好正,小市民角色都好似我,觀眾睇起嚟有親切感。」劇中他與高海寧首次演夫妻,甚有新鮮感,自爆有些是親密位因應劇情需要加戲:「親密戲唔算好多,大家都專業咁去傾,某啲位需要有就加番,唔需要就刪減咗,所以未必跟足劇本去做,演員都要有取捨,拍呢啲戲女仔唔尷尬,男仔就唔會尷尬。」他又指拍親密戲不用向湯洛雯備案,因大家也是專業演員。
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc