一腳踏三船?唐禹哲一晚夜會豆花妹再「戰」索女

2020年10月21日 14:21
東網電視
更多新聞短片
好多姿多彩!(時報周刊CTWANT圖片)
台灣男星唐禹哲高大靚仔,出道曾與不少女星包括郭雪芙傳緋聞,最近更傳與「豆花妹」蔡黃汝戲假情真!兩人被拍攝得工作後各自離開,但約半小時後,豆花妹竟自己搭的士會合唐禹哲,更喺男方車上獨處三個多小時,中途女方去買豆漿,之後再上返車!到凌晨一時多,唐禹哲再送豆花妹返家,但過咗個多小時豆花妹先落車,唐禹哲就突然落車向女方遞上手袋仔,再確認對方入門後,先放心離開!
不過好戲在後頭,唐禹哲被發現隨後再到酒店會合一高挑索女,兩人又喺車人密會,最後凌晨三點多先結束「行程」!事件曝光後,引起唔少網民討論,封佢做「時間管理大師」,仲質疑佢係咪一腳踏三船添,事關佢3個月前先爆出與台美混血靚女、細13歲嘅蘇小軒拍拖,當時表示處於「觀察期」,公唔公開要尊重對方!
而豆花妹與樂團八三夭主唱阿璞交往5年,但早前曾傳出已分手。而唐禹哲送豆花妹返去嘅地方,正係豆花妹與阿璞嘅住所,眾人關係撲朔迷離。
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc