【金鈴12星X萬希泉】男神成熟了!陳家樂主動爭取愛情

20201021
東網電視
更多新聞短片
男神的成長記!
新一代男神陳家樂隨着長大了變得成熟,感情上學懂主動爭取,不想錯過大好姻緣,讓自己留下遺憾,自爆有選擇困難症的他,曾覺得不適合這行發展想過退出,慶幸有導演讓他重建信心。
繽FUN星網全新節目「金鈴12星X萬希泉」一連十二集訪問不同星座的藝人,由「金槌拍賣官」金鈴主持,最新一集有天秤座的陳家樂擔任嘉賓,家樂對「新歡舊愛」連詩雅、余香凝的感情事不欲多談,他笑說:「現在式我選擇唔交代,畀啲空間我,過去式我都唔想再講,因為真係過去咗。」不過他坦言以前在感情上好被動,不會表達自己的愛,現在學懂保護另一半,他說:「大大吓開始覺得唔得,我要爭取,否則就會錯過好多姻緣,我唔想有遺憾。」
後悔浪費時間學歌舞
天秤座的家樂承認好優柔寡斷,有選擇困難症,他笑說:「由中學開始到依家,我一諗唔到食咩就會叫黑椒雞扒飯,唔使煩。」正因為猶豫不決的個性,令他錯失了很多機會,他說:「我一路好鍾意演戲表演,但因為冇講出嚟,揸唔定主意,結果公司幫我揀咗去做歌手,一開始就行咗條錯嘅路,嘥咗好多學唱歌跳舞嘅時間,好後悔點解唔講清楚。」
一度考慮退出娛圈
家樂自爆曾經想過退出娛樂圈,他記得有部電影的After Party,他一個人擠身派對角落完全感受不到開心,他說:「我覺得自己好唔啱做呢行,就諗可唔可以退出。」幸得導演麥曦茵找他演出電影《DIVA》,對方不單給他心理輔導,又給他信心,他笑說:「嗰時我係下定決心要放棄,個心諗住拍一套『遺作』,將來都可以同仔女講爸爸都同容祖兒拍過戲嘛。」
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc