【金鈴12星Ｘ萬希泉】受余香凝影響？陳家樂爭取連詩雅免遺憾

新一代男神陳家樂為繽FUN星網全新節目「金鈴12星Ｘ萬希泉」擔任嘉賓，與「金槌拍賣官」金鈴主持分享他入行多年的心路歷程，他坦承以前在感情上好被動，不識得去表達愛，人成熟了先懂得爭取，但對新歡舊愛的連詩雅、余香凝，他則笑說：「首先我冇承認現在式，我選擇唔交代，畀啲空間我，至於過去式我都唔想再講，因為真係過去咗。」

天秤座的家樂承認好優柔寡斷，正因為個性猶豫不決，令他錯失了很多機會，他說：「我一路好鍾意演戲表演，但因為冇講出嚟，揸唔定主意，結果公司幫我揀咗去做歌手，一開始就行咗條錯嘅路，嘥咗好多學唱歌跳舞嘅時間，好後悔點解唔講清楚。」曾經覺得不適合娛樂圈的他想過退出，好彩導演麥曦茵找他演出電影，幫他重建信心。

----------------------------------------

「繽FUN星網」誠招各類有趣短片！

家有可愛貓狗，想同更多嘅人分享？

有橋有料，素人想一片成名？

立即寄片嚟： bunfun@on.cc