本日日本:「郵筒多啦A夢」第2彈精品登場

20201023
東網電視
更多新聞短片
日本郵便局將推出《多啦A夢》紀念產品第2彈,將「郵筒多啦A夢」化身成錢罌、Figure、Tote Bag及化妝小袋(互聯網)
《多啦A夢》慶祝連載50周年嘅產品多不勝數,日本郵便局嘅網店繼於9月推出《多》相關紀念T-shirt及袋子後,於10月26日再接再厲推出第2彈!產品包括有錢罌、Figure、Tote Bag及化妝小袋。跟第1彈一樣,以《多》故事中嘅法寶「代用貼紙」其中一幕作為產品藍本及圖案。係粉絲嘅話,應該會記得只要於任何人身上貼上代用貼紙,對方就會變成貼紙所寫嘅物件,而是次系列中嘅錢罌及Figure,便將化身成郵筒嘅多啦A夢立體化,只見兩者嘅造工十分精美,絕對忠實還原多啦A夢嘅有趣神態。另外的Tote Bag及化妝小袋則有「郵筒多啦A夢」圖案嘅刺繡,並且分別採用長毛絨織物及燈芯絨製造,啱晒秋冬使用!以上產品於10月26日起在日本郵便局網店發售,數量有限,售完即止。