連咀李佳芯馮盈盈 陸永竟然唔Enjoy

2020年10月23日 21:09
東網電視
更多新聞短片
陸永同李佳芯、馮盈盈都有感情戲。
由藝人李佳芯、馮盈盈和陸永等,演出的無綫新劇《智能愛(AI)人》,題材破格,除了劇中出現新、舊版的機械人外,還描述人與機械人的愛情關係。日前三人分別拍了兩場人工呼吸的咀戲,劇情講到機械人李佳芯跌落水,電線被水草纏住而短路,陸永要幫她從口啜番條小草出來,所以要拍攝親嘴;而馮盈盈就在車廂內暈倒遭陸永救出來,再給予人工呼吸的戲份,兩場戲的親嘴內容不涉及感情在內,所以男方笑言並不享受。
不過有幸能與視后李佳芯,和女神馮盈盈有愛情戲的陸永,因而備受宅男羨慕,但陸永接受東網訪問說:「我同李佳芯、馮盈盈嘅感情戲,冇乜感情發揮,先講李佳芯,佢喺戲中係機械人,我原本當佢工人咁用,到後期先發生感情,而馮盈盈就係我上司,大家有啲感情轇轕咁啦。(啲人羨慕你可以跟兩位女神談情?)嚴格嚟講係佢兩個爭我。(好爽?)其實我唔太敢,亦唔太識談情,自己對呢方面嘅演繹都冇乜太大期望,談情戲梗係小鮮肉演先好睇!」至於就這場咀戲,李佳芯則笑言:「係呀,佢幫我啜水草,所以有場人工呼吸嘅咀戲,我終於試到一場冇感情嘅咀戲,我都係第一次拍!」
除了高智能AI的李佳芯於劇中給予陸永一家享用,多次出手幫蔣志光、盧宛茵和麥美恩解決問題外,劇中還有一位由泰臣演出的搞笑版舊AI保安員,新、舊版AI之大對比功能,於劇中發生不少趣事。
泰臣拍攝現場受訪說:「我冇李佳芯咁勁,係未Upgrade嘅AI,之前我都花咗幾個月練習機械式動作,好彩之前讀演藝,有默劇嘅訓練,食過吓夜粥先滿足到角色需要,角色係好好玩,但最慘機械人係冇腳毛,而我本身係飛毛腿,我用咗20張脫毛紙去毛全清,開始發覺行路平衡唔到,仲見凍要着長褲!」
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc