挑機奧斯卡影后！陳法拉與妮歌潔曼平起平坐

由澳洲女星妮歌潔曼（Nicole Kidman）與英國男星曉格蘭特（Hugh Grant）主演的新迷你劇《The Undoing》，早前就公布過香港女星陳法拉在6集中將演出4集，角色名叫Jolene，依家劇集片段終於曝光！

據知，勇闖荷里活嘅法拉扮演一位家長，於首集中比較多鏡頭，亦有對白，在一場約三分鐘的家長茶敍情景，佢就同妮歌潔曼同枱坐，並肩而坐嘅二人亦有互動對手戲，惟法拉對白不多。

另外，法拉並會參演有梁朝偉、楊紫瓊及金球影后Awkwafina合作嘅Marvel大作《尚氣》（Shang-Chi and the Legend of the Ten Rings），早前外媒曾報道指法拉有可能飾演重要角色Leiko Wu，但據說Leiko Wu已落入另一女星手中，法拉嘅角色仍待官方公布。