【令人擔心】為情消瘦！張惠雅皮包骨得番84磅

現年32歲、前組合HotCha成員張惠雅（Regen）瘦到皮包骨，體重僅得84磅。她在社交網上載着住粉紅色bra top照，連鎖骨都凸出來。素顏的她一臉憔悴，好多網友都留言指她實在太瘦。

有指她為情消瘦，因為Regen早前亮相電視節目《吃掉前男友》，自爆拍攝前剛與細她8年的台灣男友分手，她直認分手後一直對前度依依不捨，曾經主動搵過番對方，不過最後兩人斷聯，因為她被對方「封鎖」！

Regen之前已經在其平台指知道自己瘦到好殘，更有人問她點樣減肥，令她感到尷尬，她指其實失戀就瘦，更講過：「我失戀後終日躺於床上不吃不喝了一段時間。」

她回覆東網說：「我有食嘢呀，食番好多嘢，因為呢排太忙，因為喺長州開舖啲嘢全部自己一個搞，所以頻頻撲撲，到時大家多啲嚟我舖頭我就好開心。」有傳她有抑鬱病，她坦白說：「抑鬱係我10年前已經有，抑鬱好難話會好番，依家做番嘢會睇住番自己情緒。（關唔關失戀事？）都唔太關事啦，自己情緒一向唔穩定，我會慢慢學習調節，我都知太瘦，依家準備搞埋啲嘢衝去食飯，好餓呀！」

舊隊友張紋嘉（Crystal）表示日前有見過Regen，她說：「我上個禮拜同佢做嘢，佢係瘦咗，我都有關心佢，佢有講過佢胃口細咗，但佢心情又冇咩，都唔錯幾好，大家有傾有講，可能佢太忙新舖，又唔多覺佢有情緒病。」

好友湯怡對於Regen暴瘦，她表示：「佢係瘦咗好多，因為佢呢個月忙住搞長洲間舖，太忙關係先瘦到咁，佢都話好掛住我啲麵包蛋糕，我都會整畀佢食，因為佢肥啲、得意啲，依家瘦咗就女人啲、成熟啲，我都係鍾意肥嘟嘟嘅佢。」

曾經是過來人的韓君婷，給予Regen加油：「睇完呢個報道，我有個建議畀大家，應該畀啲空間當事人，畀機會佢身邊好親既朋友，同埋家人去關懷佢，唔好喺佢社交平台畀負面留言，有啲人睇完可以當冇回事，係好好嘅，但有啲會評語會奚落佢，希望大家畀啲空間啦，佢自己生命，畀番佢自己去掌握！加油呀！」

----------------------------------------

「繽FUN星網」誠招各類有趣短片！

家有可愛貓狗，想同更多嘅人分享？

有橋有料，素人想一片成名？

立即寄片嚟： bunfun@on.cc