歌手蘇慧恩（Ophelia）與視覺藝術作品展crossover，穿上設計學院學生設計的服飾行騷，同場並舉行其新歌《潛伏與蒙蔽》發布會，新歌幕後製作人更戴着頭罩出席，十分搞鬼。

Ophelia對其中一位學生的作品特別鍾情，原來是她和愛貓（白雪雪）的畫像，愛動物的她常關注流浪貓狗，會與義工參與活動及捐款，她說：「依家只有白雪雪，如果屋企大啲，想養多啲，其實白雪雪入屋前先要過媽咪關，因為媽咪驚毛，不過佢真係好乖。」

對有人因為疫情而遺棄寵物，她表示十分憤怒，問有冇試過因為寵物問題跟朋友反面？她說：「我朋友養貓多年，後來生咗BB，BB敏感得好厲害，最終朋友將貓寄養喺佢媽咪度，我覺得隻貓好慘，要適應新屋企，我都鬧咗我朋友。」她舉出另一個案，她的契女自小患敏感，但冇放棄家中7隻貓狗，契女現己長大，敏感完全消失。她說：「人緊要，動物都緊要，更加唔建議食佢哋，（早前有人掟動物落街，律政司卻無起訴？）受唔受罰，等天處理，我信有輪廻。」