做張曦雯閨蜜勾引陳山聰!37歲徐玟晴離巢無綫

20201031
東網電視
更多新聞短片
大家認唔認得佢?
一套劇好睇,除咗主角,配角都好重要!好似喺無綫熱播中嘅新劇《木棘証人》,飾演張曦雯(Kelly)閨蜜嘅徐玟晴(Kimmi)咁,去年就喺《她她她的少女時代》中,同樣飾演主角好姊妹而彈起,不過原來佢今個月已約滿無綫,《木棘》係佢離巢前倒數嘅第2部作品!
Kimmi入行14年,係《一擲千金》嘅「千金小姐」,之後2006年參選港姐,不過複試落選,但仍無礙其演藝之路,參加第21期無綫電視藝員訓練班入行,李美慧都係佢同學!2008年,佢首次演出無綫劇《銀樓金粉》,之後就無間斷咁拍劇,其中喺《醋娘子》同胡杏兒及羅子溢(羅仲謙)合作,做婢女「荔枝」而令人認識!產量極多嘅佢拍過唔少大熱劇包括《多功能老婆》、《降魔的2.0》、《那些我愛過的人》等,喺《BB來了》飾演港媽阿寶,臨生都要擺甫士狂影相,令人發笑!又試過喺《金宵大廈》Cosplay成美少女戰士飾演鳳姐勾引陳山聰,雖然身材激凸,但佢就笑言只係裝假狗,而佢嘅告別作就係仲未出街嘅《香港愛情故事》!
現年37歲嘅佢,身材依家Fit爆,加上衣着打扮都保持年輕,網民都大讚佢保養得宜,完全睇唔出已經仲有3年就40歲!而佢曾經與小鮮肉余德丞(Dickson)傳緋聞,當年踢波後暈倒入院,Kimmi立即趕到醫院了解,兩人感情要好!
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc