張文慈張曦雯事前唔知有出浴戲：打底都冇！

藝人張文慈（Pinky）與張曦雯於昨晚播出的一集《木棘証人》內「肉帛相見」，劇情交代二人披浴巾，扮「神探」到桑那浴室偷拍吳沚默頸背的紋身，場面搞笑！談到今次演出「香艷」，Pinky表示：「本來我哋兩個係同子溢（前名羅仲謙）坐喺出面浴足嘅，點知拍拍吓工作人員話我哋要披毛巾喇，事前完全唔知，所以乜都冇準備，冇打底嘢又冇shave（脫毛），好彩最終都拍攝順利。有工作人員仲讚我哋正，攞手機出嚟幫我哋拍照留念添。」

Pinky預告下周劇情會交代兩pair人「大兜亂」：「有場戲講我、曦雯、子溢同韋家雄調亂晒啲睡衣着。原先我以為曦雯嘅睡衣Look會好性感，咁佢係女神，搞到我都相當期待有嘢睇，點知出嚟嘅效果反而係子溢最sexy，佢嘅身形真係不得了，有前又有後，我都忍唔住出手影合照留念，不過係私人珍藏，唔會公開！」

----------------------------------------

「繽FUN星網」誠招各類有趣短片！

家有可愛貓狗，想同更多嘅人分享？

有橋有料，素人想一片成名？

立即寄片嚟： bunfun@on.cc