李榮浩到底有幾高？1米8硬生生影到變1米3

大陸歌手李榮浩除咗音樂才華最受歡迎之外，佢最出名都可能係上年娶咗台灣女星楊丞琳，二人依家受疫情影響被迫分隔異地，咁工作都要照做嘅，李榮浩10月底出席表演活動，即席演唱《模特》等歌曲，一身西裝骨骨本來就應該靚仔有型，不過佢竟然被影到似「矮仔」？

佢喺社交網晒出一張相，本身有1米8身高嘅佢，喺相中竟然好似得1米3咁，大長腿縮晒水，成個比例勁奇怪，搞到佢都要留言自嘲：「這角度還算是個人嗎？我腿呢？」

老婆楊丞琳睇完都忍唔住附上哭笑不得嘅表情：「180變150。」連好友王心凌都驚雅問道：「這…怎麼拍的？」李榮浩一本正經咁回答：「用心拍的。」真係笑大人個嘴呀！

----------------------------------------

「繽FUN星網」誠招各類有趣短片！

家有可愛貓狗，想同更多嘅人分享？

有橋有料，素人想一片成名？

立即寄片嚟： bunfun@on.cc