羅子溢否認用40萬改名　追B睇天意

藝人羅子溢（前名羅仲謙）與太太楊茜堯（前名楊怡），早前公開改名，希望全家身體健康及提升運勢。今日有指二人為改名花去40萬，茜曉決心追仔，為羅家繼後香燈之餘，亦希望斬斷丈夫的爛桃花﹗子溢回覆東網表示：「40萬誇張咗啲喎，改名係為咗屋企人，咁屋企人好、我哋都會好，因為係整體嘅。有冇第二個（小朋友）其實係天意，我唔會強求，有嘅話仔女都冇所謂。爛桃花梗係唔好啦，不過做呢行，點都要有啲桃花運，代表觀眾緣嘛，咁咪要啲好（正桃花）嘅囉。」

----------------------------------------

「繽FUN星網」誠招各類有趣短片！

家有可愛貓狗，想同更多嘅人分享？

有橋有料，素人想一片成名？

立即寄片嚟： bunfun@on.cc