劉俊謙孖女友蔡思韵奉旨拍劇

藝人劉俊謙、杜燕歌、白只、太保等出席電影節開幕禮，身為電影節大使的劉俊謙表示很開心為香港電影業出一分力，並透露將於明年初開拍ViuTV劇《二月廿九》續集，講到《二》好評如潮，會否對續集的收視感壓力？他說：「唔會，因為第二集唔完全係續集，成個故事都有唔同，如無意外，係講兩個時空互相影響。（原班底？）係呀，亦有新角色。」

而女友蔡思韵亦將會加入劇組，對於可以跟女友孖住開工，他表示：「開心嘅。（會唔會怕工作有磨擦？）好少，因為我哋都幾有默契，互相溝通、幫助。」講到日前他為岑珈其婚禮擔任兄弟，自己會否有結婚的念頭？他即大耍太極：「依家拍咗一年幾，順其自然，工作為主。」

----------------------------------------

「繽FUN星網」誠招各類有趣短片！

家有可愛貓狗，想同更多嘅人分享？

有橋有料，素人想一片成名？

立即寄片嚟： bunfun@on.cc