謝嘉怡唔急拍劇　陳楨怡尷尬拖錯男人手

應屆港姐三甲謝嘉怡、陳楨怡、郭柏妍，與翟威廉、周志康及朱敏瀚，下午現身電視城，出席無綫《台慶鉅獻：變形金剛 終極戰士》宣傳活動，場面熱鬧。

3位港姐謝嘉怡、陳楨怡及郭柏妍都對《變》系列電影讚口不絕，且異口同聲表示比較喜歡入戲院欣賞，音響佳增加感官刺激。陳楨怡笑言當年試過緊張到捉實旁邊友人的手，問到對方男或女，她尷尬自爆：「朋友囉，不過以前試過喺街捉錯男士隻手，以為係爸爸！」她透露將於月底考車牌路試：「第3次考路試嘞，希望今次成功啦。」郭柏妍聞言表示即使已考獲車牌，至今仍不夠膽揸車：「我都考咗3次先成功，依家都只係喺屋企兜吓圈咋！」

談到應屆落選港姐近日先後簽約無綫，她們表示不擔心引起競爭，謝嘉怡謂：「大家嘅性格同路線都唔同。（知道表妹源菲然開始工作？）佢有同我講，戥佢開心。（你哋都想快啲拍劇？）今年都仲有好多慈善活動，希望學好廣東話先啦。」至於應屆亞姐冠軍蔡小蝶退選港姐去選亞姐，郭柏妍表示對她有印象，因初期時一齊坐有聊天，但如今已沒聯絡，恭喜對方得獎。

----------------------------------------

「繽FUN星網」誠招各類有趣短片！

家有可愛貓狗，想同更多嘅人分享？

有橋有料，素人想一片成名？

立即寄片嚟： bunfun@on.cc