【餐飲女王】林峯外母大有來頭　身家億億聲

藝人林峯出身富裕家庭，爸爸林華國有「廈門李嘉誠」之稱，當時未娶張馨月過門時，返福建石獅市祭祖已經好似預演婚禮咁，場面勁誇張！唔少人以為張馨月只係模特兒，襯唔起林峯，不過其實兩人門當戶對，張媽媽王書紅曾獲稱為「餐飲女王」，更曾自稱擁千億身家，不過可惜最後生意滑落，但有意捲土重來！

林華國於內地經營建材及房地產，名下亦擁有多個屋苑及商場，資產保守估計至今超過30億元。當年有傳林峯係由父母安排同張馨月相睇，最後成功「過關」入門！而張媽媽其實落足心機培育女兒成材，當然唔少得過番兩手廚藝畀阿女，留住林峯個胃，唔怪得之張馨月咁煮得！而遺傳咗媽媽優良基因嘅張馨月，喺鼓勵下參加過唔少選美活動，令人有所認識，加上外形煞食形象正面，成功俘虜林峯！唔少網民都大讚兩人愈睇愈襯，希望佢哋一家幸福快樂呀！

----------------------------------------

「繽FUN星網」誠招各類有趣短片！

家有可愛貓狗，想同更多嘅人分享？

有橋有料，素人想一片成名？

立即寄片嚟： bunfun@on.cc