陳婉衡分手　鍾培生澄清緋聞：同佢冇聯絡

電競公司老闆鍾培生早前曾與陳婉衡行山，事後性感上陣的陳婉衡更將2人合照放上社交網。而陳婉衡剛宣布與男友分手，有指男方非常管束其私生活，故相信當日她與鍾培生的合照，亦有可能導致男方打爛醋埕。

鍾培生今日現身公開活動，澄清與陳婉衡的緋聞：「我想喺社交頻道拍1個野外節目，所以透過簡淑兒認識咗佢，當時大家有交換聯絡電話，但事後冇約過食飯或聚會。我都係今日先知自己同佢傳緋聞，我亦唔識佢男友。」

----------------------------------------

「繽FUN星網」誠招各類有趣短片！

家有可愛貓狗，想同更多嘅人分享？

有橋有料，素人想一片成名？

立即寄片嚟： bunfun@on.cc