蓋鳴暉疫市堅持唔減員工薪酬：蝕住都要做

粵劇老倌蓋鳴暉及吳美英下午現身電視城，為12月5日舉行的《歡樂滿東華》錄影折子戲《大紅燈籠蘇東坡》之「燕啣驚盼」，並預先頒贈籌款支票45萬，疫市中成績不錯，蓋鳴暉補充：「呢度係其中一部分善款，嚟緊仲有嘅。」

她坦言疫情關係，自己要親自打電話募捐，幸而各方都鼎力支持：「今年係我入行、成立鳴芝聲，以及同東華合作30周年，好有意義。疫市我哋都停工10個月，上個月先喺新光戲院開返鑼鼓，蝕住都要做，想大家有工開，士氣好緊要，我冇減過工作人員酬勞。（牛年賀歲演出點安排？）初五開鑼鼓，暫定演出17場，未知疫情會點，我哋都兩手準備。」同場的吳美英聲沙沙，她解釋入冬令喉嚨敏感，幸而一早已錄音，故無礙今日演出。

----------------------------------------

「繽FUN星網」誠招各類有趣短片！

家有可愛貓狗，想同更多嘅人分享？

有橋有料，素人想一片成名？

立即寄片嚟： bunfun@on.cc