持久戰做足「前戲」 羅子溢張曦雯幾粒鐘咀不停

20201110
東網電視
更多新聞短片
張曦雯與羅子溢於劇中咀不停,拍攝時間長達幾粒鐘!而張文慈與韋家雄拍咀戲時就取笑對方是怕醜仔(右下圖)。
女神張曦雯(Kelly)於無綫熱播劇《木棘証人》中,與羅子溢及張秀文上演三角戀,關係踏入結局篇更見複雜。張秀文想盡辦法拆散Kelly及子溢,不少觀眾睇到眼火爆。而子溢出席宣傳活動,預告跟Kelly上演「馬拉松式咀嘴」,激情戲碼將於明晚上演。
兩人由室內咀到室外,除了日落談情外,子溢更出動「烈火戰車」載伊人遊車河,冧招盡出。據知,他們先後有3場咀戲,拍攝時間長達數小時。為了凝造唯美氣氛,子溢事前主動上網做資料搜集,然後與監製等商討,最終拍攝效果令眾人滿意。
子溢說:「拍戲咁耐,未試過同一作品有咁多呢類親熱場面。(最難忘一次?)又唔係喎,難忘一定係螢幕初吻,當年畀咗黃智雯。今次我同Kelly因合作培養出默契,大家係好朋友,我睇好佢未來嘅事業發展。」
至於飾演Kelly哥哥的韋家雄,被張文慈(Pinky)苦苦癡纏及示愛,最終女方於沙灘主動獻吻。拍咀戲當日,正值家雄與太太結婚周年,難怪他笑言「贈興」。而Pinky笑言:「家雄事前周圍同人講『自己終於有得咀』,但正式拍攝嗰陣,佢表現不知幾怕醜,鱷魚頭老襯底呀!(佢太太有冇監場?)應該話阿嫂好大方,直到依家我同佢太太私底下都有短訊傾偈。」
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc