睇見都痛！吳沚默同羅子溢肉搏撼親個頭

藝人吳沚默與蔡潔多年前已認識，兩人剛巧亦正忙於為無綫劇《拳王》開工，日前，兩人於將軍澳電視城撞到，遂一起合照留念，不少網友大讚兩人都是氣質美女，沚默則讚蔡潔是一位外柔內剛的女仔：「佢好知性，大家都喜歡寫作，所以好啱傾，我唔開心嘅時候都會搵佢同佢分享，佢會畀到我安全感。」

吳沚默於劇集《木棘証人》內飾演兇狠的「沙膽姐」，她直言角色相當有趣：「我性格其實都有好動嘅一面，拍打戲好開心。同埋我工作時唔笑都幾惡，所以只要唔笑都幾有殺氣，但其實可能我放空緊。」

戲中不少動作場面，其中一場她與羅子溢扭鬥，期間太投入撞親個頭，「磅」一聲，連羅子溢都忍不住要摸一摸她的頭以作安慰，沚默說：「每次拍戲我都會撞親頭，哈哈，已經習慣，羅子溢好好，好多時都會保護身邊人。」

----------------------------------------

「繽FUN星網」誠招各類有趣短片！

家有可愛貓狗，想同更多嘅人分享？

有橋有料，素人想一片成名？

立即寄片嚟： bunfun@on.cc