胡定欣出走無綫 加入邵氏繼續作戰

2020年11月13日 14:37
東網電視
更多新聞短片
已經開始新合作模式。
兩屆視后胡定欣早前有傳約滿無綫後,轉投古天樂公司旗下,但亦有傳佢決定留喺無綫繼續拚搏,近日正拍攝劇集《白色強人II》嘅佢,今日喺社交網宣布離開無綫,加入邵氏,並多謝一直以嚟幫佢嘅人:「感恩一路以來遇上嘅好人好事,陪伴着我迎來新嘅一頁,今日起我將正式與邵氏兄弟國際影業有限公司展開合作!感謝當年芭姐及Ben Chan將我帶到TVB Management!感激樂小姐和已離世嘅佩華姐多年嘅提點,支持同機會!多謝過去18年公司藝員部同事嘅照顧,Angel、Cindy、Atom、Sam、Winpy、Daisy,有你哋陪伴我經歷事業上嘅高高低低,度過很多難忘時刻!來年嘅日子以另一個模式為觀眾帶來更多作品,繼續多多指教!~」
胡定欣向東網表示今次拍攝《白色強人II》,已經同TVB以新模式合作:「係呀!一個新的開始!衷心感激TVB多年的支持和栽培!期待與邵氏兄弟合作順利,《白色強人II》開始會係以一個新模式合作,之後亦會參與邵氏製作拍攝!」
而2017年憑微電影《Once More》獲得美國影后寶座嘅李施嬅,亦一早簽約邵氏,成為旗下藝人。如今好姐妹胡定欣同樣加盟,有兩大花旦坐鎮,粉絲都好期待新作品推出。
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc