愛犬獻吻打氣　肥媽向亡夫承諾繼續開Live

藝人肥媽（Maria Cordero）的葡籍丈夫Rick早前在港因病離世。肥媽經歷了最傷痛時刻，但承諾因亡夫喜歡她做直播，故會繼續活躍社交網。

她在社交網上載短片，明顯心情平復了一點，全程不斷與3隻愛犬傾偈，而愛犬發現主人已回復狀態，牠們亦活躍起來，不時行來行向肥媽獻吻。

肥媽發文，「依幾日開始出下去，身邊的朋友都約我出下街，去行下山。留喺屋企個陣，狗狗們都會過晒嚟陪我，呢段時間好彩有佢哋，佢哋好似咩都知道咁，我一行出花園，佢哋就會係訓晒喺我格離（隔籬），其實真係多謝大家。我知道唔應該講多謝，但係除了多謝，我唔識講咩說話表達，好感恩有大家，大家真係好有心。另外，都想同大家講我老公將會喺17號設靈，18號出殯，等完咗老公身後事，到時Live再見大家。」